Эс Девелопмент ХХК нь 2011 оноос эхлэн барилга, дэд бүтцийн салбарт хөрөнгө оруулах, барилга угсралтын менежмент, мэргэжлийн зөвлөгөө үзүүлэх, үл хөдлөх хөрөнгийн менежментийн үйл ажиллагаа явуулж байна.

Тус компани нь мэргэжлийн өндөр чадвартай, мэргэшсэн инженер, техник, удирдлагын баг бүрдүүлж, барилгын төслүүдийг төлөвлөлтийн шатнаас эхлүүлэн түлхүүр хүлээлгэх нөхцөл буюу дуусах хүртэл барилгын төслүүдийг удирдан ажилладаг.

Өнгөрсөн 2 жилийн хугацаанд тус компани нь орон сууцын 2 цогцолбор хотхон, түлхүүр гардуулах болон төслийн удирдлагын гэрээгээр 10 гаруй томоохон барилга барих, шинэчлэх төслүүд дээр ажиллаж, барилгын салбарын тэргүүлэх компаниудын нэгд тооцогдох болжээ. Эдгээр төслүүдийн дотор АПУ ХК-ийн шар айргийн үйлдвэрийн өргөтгөл барилга, АПУ ХК-ийн бүрэн автоматжуулсан агуулах зэрэг үйлдвэрийн төслүүдээс гадна 452 айлын Ривэр Стоун хотхон, 127 айлын тансаг зэрэглэлийн Жардин цогцолбор хотхонууд орж байна.

Эс Девелопмент компанийн Монгол, Итали, БНСУ болон ОХУ-ын 20 гаруй нарийн мэргэжлийн инженер техникийн ажилтан, нийт 60 гаруй ажилтан албан хаагчид эх орныхоо бүтээн байгуулалтад өөрсдийнхөө хувь нэмрээ оруулахаар итгэл зүтгэлээрээ нэг баг болон ажиллаж байна.

Бид чанарыг эрхэмлэн төслийн хугацаа болон төсөвт өртгийн шаардлагад нийцүүлэн захиалагчдын сэтгэл ханамжийг дээд зэргээр хангахыг хичээн ажиллаж байна.